Badal Gaye Mere Mosam

`

Badal Gaye Mere Mosam To Yaar Ab Aye
Ghamon ne Chaat Liya, Gham-Kisar Ab Aye

Ye Waqt Is Tarha Rone Ka To Nahi Lekin
Main Kya Karun K Mere SoGawar Ab Aye

Wo Dhoop Dhoop Hi Mein Ho gya Basar Chup Chap
Shajar Shajar Pe Mere Barg-o-Bar Ab Aye

Wo Jin Pe Dhoka Sa Jheela Tha Hum Ne Manzil Ka
Wo Qafilay To Sar-e-RahguZar Ab Aye

Na Dailion Pe Koi Phool Hai No HonTon Par
Maza To Jab Hai K Bad-e-Bahar Ab Aye

Jab Tera Intezar Rehta Hai


Jab Tera Intezar Rehta Hai
Dil Bohat Beqarar Rehta Hai

Rooh Ko Bebasi Si Rehti Hai
Dard Ba Ikhteyar Rehta Hai

Ik Tera Dheyan Ariyon Ki Tarah
Rooh K Aar Paar Rehta Hai

Wehm Hai Yeh Mujhay K Teri Taraf
Ik Mera Gham Gusaar Rehta Hai

Shab Bohat Beqarar Rehti Hai
Din Bohat Sogwaar Rehta Hai

Sajna...!!!


Ab Door Hi Reh. Ya Mil Sajna
Tujhay Sonp Diya Hai Dil Sajna

Ab Khushbu Har Su Phailay Gi
Ik Zakham Gaya Hai Khil Sajna

Har Raat Teray Bin Seenay Par
Hai Dhari Hui Ik Sil Sajna

Har Husan Main Waar Du Tum Par Say
Kaya Aankhain,Aariz,Til Sajna

Seenay Main Meetha Meetha Dukh'
Aankhon Main Hai Jhilmil Sajna

Is Ghareebi Mai Guzara


Is Ghareebi Mai Guzara Nahi Hota Maula
Ghaib Se Koi Ishara Nahi Hota Maula

Mujh Ko Hijrat Ki Koi Raah Sujha Himmat De
Mujh Se Yeh Shehr Gawara Nahi Hota Maula

Jab Mai Ghar Jata Hun Amboh-E-Masaib Mai Kabhi
Tujh Bina Koi Sahara Nahi Hota Maula

Sochta Hun To Har Ik Simt Samandar Hi Miley
Dekhta Hun To Kinara Nahi Hota Maula

Kuch Na Kuch Phir Bhi Kami Rehti Hai
Chand Hota Hai Sitara Nahi Hota Maula

Kaha Main Ne Kahan Ho Tum


Kaha Main Ne Kahan Ho Tum
Jawab Aya Jahan Ho Tum

Mere Jeewan Se Zahir Ho
Mere Gham Main Nihaan Ho Tum

Meri To Sari Duniya Ho
Mera Sara Jahan Ho Tum

Meri Sochon Ka Mehwar Ho
Mera Zor-E-Bayan Ho Tum

Main Hun Lafz Mohabbat Hon
Magar Meri Zubaan Ho Tum

Hum UnheIn Wo Humen Bhula Bethay..


Hum Unhen Wo Humen Bhula Bethay..
Do Gunahgar Zehar Kha Bethay..

Aandhiyo Jaao Ab Araam karo..
Hum khud Apna Diyaa Bujha Bethay..

Jab Say Bichray Wo Muskaraye Na Hum..
Sab Nay Chera To Lab Hila Bethay..

Uth k Aik Bewafa Nay Day Di Jaan..
Reh Gaye Saaray Bawafa Bethay..

Hashar ka Din Abhi Door Hai khumaar..
Aap kiyon Zahidon May Jaa Bethay..

Sabhi Qissay Hawalo Mein Mohabbat...


Sabhi Qissay Hawalo Main Muhabat Hi Muhabat Hai
Sitaro Main Ujalo Main Muhabat Hi Muhabat Hai

Howa Hai Is Tarha Shamil Wo Meri Zaat Main Yaaro
Meri Socho Khayalo Main Muhabat Hi Muhabat Hai

Muhabat Bas Gai Hai Waqt K Har Aik Lamhe Main
Sabhi Sadyo Main Saalo Main Muhabat Hi Muhabat Hai

Muhabat Daikhni Hoto Kabhi Aao Nagar Mere
Yahan K Rahne Walo Main Muhabat Hi Muhabat Hai

Ajab Ishq Daikha Hai Nisab Ishq Ka
Jawabo Main Sawalo Main Muhabat Hi Muhabat Hai..

Qurbani Ki Eid


Is Qurbani Ki Eid Par Kuch Or Na Sahi,,

Hum Apni Hasratain Hi Qurban Kartey Hain.

EID MUBARAK to You


Eid Ke Khayal Ne Khush Tu Kar Dia Hai Lekin...

Ab Bhi Soch Kar Tumhein Dil Bohut Udas Hai.

Wao

Related Posts with Thumbnails