Ab zikar Mera Un K Hawalon mein Nahi tha,,,
Shayad Main Kahin Chahne walon mein Nahi tha,,,,
Lagta hai Ke Qismat mein Andhery hi Likhe thy,,,
Main Raat Ka Jugnu tha Ujalon mein Nahi tha,,,
Q Puchte Phirty ho Mere Pyar Ka Qissa,,,
Kirdaar mein Shamil tha Misaalon mein Nahi tha,,,
Ghairon Ki tarah Un K Rawiyey thay Mere sath,,,
Main Ab Ke Baras Un K Khayalon mein Nahi tha,,,
Ban than K Guzarti thi Wo zulfon Ko Sanwary,,,
Is Baar Koi Phool to Baalon mein Nahi tha,,,
Main Uski Isi Baat Py Hairan hua hon,,,
Pehlay sa Maza Us K Sawalon mein Nahi tha,
Hairat sy Mere Dost Mujhe Dekh Rahe hain,
Ye Zakham to Guzray hue Saalon mein Nahi tha....